排球教室 - 設施與器材

排球場上有好多唔同嘅線：攻擊線、端線、邊線、中線等等。唔知大家又有幾了解整個「排球場」呢？

除咗有唔同嘅線之外，比賽場地仲有分成唔同嘅區域：發球區、替補區、自由球員替換區等等～

而球場上嘅排球網垂直地安置喺中線上方，網頂高度為 男子組2米43厘米，而 女子組就係2米24厘米。球網上有兩條白色標誌帶喺每邊邊線嘅正上方，並垂直地張掛喺球網上。

‍

而用玻璃纖維或類似物料製成嘅標誌杆就懸掛喺每條標誌帶的外緣，大家常見嘅標誌杆顏色係以明顯嘅對比紅白🔴⚪️色相間而成㗎～標誌帶及杆都被視為球網嘅一部分同埋規限住排球有效嘅穿越空間。